Monday, October 24, 2011

Mt. Balagbag: A Solo Climb

THE SOLO BACKPACKER IN 

MT. BALAGBAG

 By Ivan Ignacio, 

The BACKPACKERS Lead

 

36 hours akong walang matinong tulog... 

Habang papauwi ng Bulacan ay wala ding matinong rason pero naisipan kong umakyat ng bundok... at since madadaanan ko si Mt. Balagbag, sya ang binisita ko.

Wala sa hulog ~ naka jeans na pantalon.walang gear.tanging tubig at tinapay lang ang dala ko.


 

Nasa jeep na ko papunta sa Sitio Licao Licao nang nahilo ako, dahil na siguro sa antok. Iaabort ko na sana ang expedition na ito pero nakita ko ang ulap na nakapalibot sa kabundukan ng Sierra Madre. Ang ganda! Sign ito na iniimbitahan din ako ni Mt. Balagbag since isang taon na ang nakalipas nung huli naming date.

 

 

"Boss tricycle?", tinanggihan ko si manong driver dahil parang gusto kong lakarin mula Licao Licao hanggang dulong bayan (jumpoff point). Nagsimula ang cardiac cemented trail at talagang tumibok ng mabilis ang puso ko at tumagaktak ang pawis ko... sa isip ko "shit sana hindi ko tinanggihan si manong kanina!" Pero after 30 - 40 minutes na lakaran, narating ko din ang dulong Sitio bago ang Mt. Balagbag assault.

Dinalaw ko ang aking dalawang kaibigan, sina Nanay Melba at Tatay Petronilo. =)

 

 

Dahil maganda ang panahon, nagpaalam muna ako kay Tatay Petronilo na aakyatin ko ang Mt. Balagbag.

"..mag isa? Sana may kasama ka para kapag nadapa ka, may tutulong sa'yo." Pabirong sabi ng kaibigan ni Tatay. Alam kong delikado ang umakyat mag isa. Pero kung kilala mo ang bundok, may respeto ka sa lugar at sa kapwa mo, at pursigido ka, wlang makakapigil sa'yo.

 

 

Madali lang ang trail, pero nakakapagod ang pag akyat kahit papano. Wala pa akong matinong tulog! Pero pinagpyestahan ng mga mata ko ang ganda ng kapaligiran.


 

Mag isa lang ako. Nice.
Hanggang sa narating ko ang tuktok.

 

 

Nahiga sa damuhan ng mga 30 minuto.
Nag isip. Lumanghap ng hangin.




Ang swerte ko dahil ang ganda ng panahon, hindi nakakapaso si araw, mahangin pero walang malakas na ulan... napakabait ni Mt. Balagbag. Salamat.


 

Pagbaba ko, late lunch at kwentuhan to the max with Nanay Melba, Tatay Petronilo and Ate Rona.

Masaya ding umakyat ng bundok mag isa. Nakakapagbigay ng maraming pish op maynd.

Makakatulog na din ako sa wakas!

Post a Comment